Дирекция фаолияти

“Ҳазорасп” ЭИЗ дирекцияси фаолияти янги ишлаб чиқариш қувватларини қўллаб қувватлаш, юқори технологик ишлаб чиқаришни ривожлантириш, замонавий рақобатбардош, импорт ўрнини босувчи, экспортга йўналтирилган тайёр саноат маҳсулотини ишлаб чиқаришни ўзлаштиришга фаол жалб этиш, шунингдек ишлаб чиқариш, муҳандислик-коммуникация, йўл-транспорт, ижтимоий инфратузилмани ва логистика хизматларини ривожлантиришни таъминлашдан иборат.

“Ҳазорасп” ЭИЗ дирекциясининг вазифалари:
Эркин иқтисодий зона ҳудудида махсус ҳуқуқий режимнинг амал қилишини таъминлайди;
Салоҳиятли инвесторлар ва эркин иқтисодий зона иштирокчилари билан ўзаро ҳамкорликни, шу жумладан инвестиция буюртманомасини кўриб чиқиш ва танлаб олиш учун қабул қилади;
Инвестиция лойиҳаларининг амалга оширилишини мониторинг қилади, шунингдек эркин иқтисодий зона иштирокчилари томонидан инвестиция битимига киритилган мажбуриятларнинг бажарилишини назорат қилади;
Эркин иқтисодий зонани ривожлантириш дастури амалга оширилишини таъминлайди;
Эркин иқтисодий зона ҳудудида экологик назорат, шунингдек маданий мерос объектларини муҳофаза қилиш ва улардан фойдаланиш тўғрисидаги қонунчиликка риоя этилиши устидан назоратни ташкиллаштиради;
Эркин иқтисодий зона иштирокчилари билан шартномалар асосида маркетинг хизматлари, шунингдек маҳсулотларни ички ва ташқи бозорларда тарғиб қилиш бўйича хизматлар кўрсатади;
Эркин иқтисодий зонага инвесторларни жалб этиш бўйича тадбирларни амалга оширади;
Инвесторларни, эркин иқтисодий зонанинг иштирокчиларини ахборот билан таъминлайди, шу жумладан уларнинг давлат органлари ва бошқа ташкилотлар вакиллари билан учрашувларини ташкил этади; 
Эркин иқтисодий зона ҳудудидаги ер участкаларини, шунингдек бинолар ва иншоотларни эркин иқтисодий зона иштирокчиларига фойдаланишга ижарага беради;
Дирекция эркин иқтисодий зона иштирокчиларининг қонунчиликка мувофиқ амалга ошириладиган фаолиятига аралашишга ҳақли эмас.